قیزیل آزربایجان (زنجان)

بو یازیدا بیر گؤزل قوشما(شعر) آزاده دارایی خانیملاریندان پایلاشیرام
چوخ اوزون بیر قوشمادی(شعردی) من قیساجا قویموشام.

آزاده دارایی زنجانلی بیر خانیم‌دی کی مهاجرت ائلیر آمریکایا و اوردا اؤز وطنینه و دوغما یوردونا داریخیر و بو قوشمانی(شعری) یازیر ...
چوخ گؤزل قوشمادیر(شعریدیر) ...

زنجانیما قوربان اولوم

آنا یوردی وطنیم زنجانیما قوربان اولوم——– شهریمین او یاراشیخلی آدینا قوربان اولوم

دولانیم دوره سینه، باغینا دروازه سینه ——– آق چیچکلر آچیلاندا یایزینا قوربان اولوم

او گوزل منظره سی، بیهیشته بَنظر هاواسی ——– او باشیم دردیمه درمان سو ئونا قوربان اولوم

یئل اَسَنده اوجا بوی آقاشلارین اویناماقی ——– آق بولوتلاردان اوچان دورنا سینا قوربان اولوم

گون چیخاندا او طراوتلی آقاشلار باشینا ——– گون آشاندان سونرا گویچک آیینا قوربان اولوم

گورن الله! وطنیمده کیم اولوپ کیمسه گالیپ ——– نوجوانلیخ زمانین تای توشونا قوربان اولوم

فیکری روشن اولانا، شیعر و ادب آنلایینا ——– بیر وَ بیر عِلم و هُنر پرورینه قوربان اولوم

بی ریا موءمینینه ساده موسلمانلارینا ——- ائورگی پاک اولانین ایخلاصینا قوربان اولوم

غوربت ائورگتی منه هموطنین ارزیشینی ——– پیسینه، یاخچیسینه، هامّیسینا قوربان اولوم

هر نه ایمانلی شرفلی موتعهدلرینه ——– بیر و بیر تیرتوکن اینسانلارینا قوربان اولوم

نئجه لیذتلی زمانلار نه شیرین خاطیره لر ——– ائولکیمین صولح و صفا ایّامینا قوربان اولوم

دانیشاندا او شیرین تورکی گئوزل لهجه سینه ——– اِئلیمین سِئوملی گویچک دیلینه قوربان اولوم

نه قَدَر وصف ائلسم زنجانیمی آز دیمیشم ——– او صفالی پارا دان آلّلاهینا قوربان اولوم

فاصیله محو ائیده بیلمز بو گوزل موهیبتی ——– جان کیمیندور من او جان پاره سینه قوربان اولوم

سن ده ( آزاده ) لال اول چون وطنی ترک ائیلدین ——– سونرادان داش آتیران توپّوقونا قوربان اولوم

(قوشار)شاعیر:آزاده دارایی زنگانلی (لس آنجلس-آمریکا)

@azanjan : در تلگرام I Love Zanjan کانال رسمی