قارداش آندێ

یازار : مجید زنگانلی (Məcid Zənganli)

سهندی یادیما گلندن اوخویویارام
یئنیدن الیمه آلیب واراخلادیغیمدا بو شعری برك گؤزه چارپێر ،
بولودو تانیماغا گركیر كیتابلار یازیلا . . .

من اینسانلار بیر بیرینین
قارداشێدێر ، سێرداشێدێر ،
دئیه – بیر گۆن ،ایكی گۆن یوْخ ،
عؤمۆر بوْیو هارای چكیب ،
قلم چالێب ، بوْغاز یێرتێب ،
شعر یازێب ،یاراتمێشام .
حیاتێمێن كیتابچاسێن ،
واراقلا باخ ،گؤر كی آنجاق ،
هئچ دردیمی هئچ آغرێمێ ،
محكوم اینسان دردلریندن ،
آیێرێبان بؤلمه میشم .
من اؤزۆمۆ ، اؤز ائلیمی ،
یاخێن اوزاق اینسانلێقدان
هئچ ده آرتێق سئومه میشم .
من یاغلێمێ ، یاوانێمێ ،
هر یئردنسه ، هر ائل دئسه ،
اوْلور – اوْلسون ، هر گن – هر آن
آج – یالاواج اینسانلارلا
بؤلمكلیگه حاضیر اوْلوب ،
بو سؤزۆمده صادێق دوروب ،
تام وارلێغێملا دایانمێشام .
لاكێن ،هله ،یازێق دۆنیا ،
« میللت چیلیك » خولیاسێنا ،
عینادێنا داوام ائدیر .
اومانیزمی سایان كیمدیر ،
اینسانلێغێ آنان كیمدیر ؟